Ռոնալդու․ Ֆուտբոլը պետք է երբեմն արդար լինի, Պորտուգալիան արժանի էր հաղթանակի
13:16 2 հուլիսի, 2024Պորտուգալիայի հավաքականի եւ Սաուդյան Արաբիայի «Ալ Նասրի» 39-ամյա հարձակվող Կրիշտիանու Ռոնալդուն հաղթանակը Սլովակիայի նկատմամբ Եվրո-2024-ի 1/8 եզրափակիչում համարում է արդար։
«Երբեմն ծանր է 11-մետրանոցից գոլ խփելը։ Կարիերայիս ընթացքում ավելի քան 200 անգամ իրացրել եմ 100-մետրանոց, բայց երբեմն լինում է շփոթմունք․ չգիտես՝ որ անկյունը հարվածել կամ կենտրոնով փորձել։
Այս տարի երկու անգամ եմ ձախողել 11-մետրանոցից, բայց այս անգամ մենք հաղթեցինք։ Կարծում եմ՝ ֆուտբոլը պետք է երբեմն արդար լինի, եւ այսօր Պորտուգալիան արժանի էր հաղթանակի»,- Ռոնալդուի խոսքը մեջբերում է ESPN-ը։
Ռոնալդուն լրացուցիչ ժամանակում չէր կարողացել արդյունավետ իրացնել 11-մետրանոցը։ Մադրիդի «Աթլետիկոյի» դարպասապահ Յան Օբլակը սեյվ էր կատարել։
Հիմնական եւ լրացուցիչ ժամանակն ավարտվել էր 0:0 հաշվով։ Հետխաղային 11-մետրանոցներով Պորտուգալիան հաղթել է 3:0 հաշվով։ Երեք սեյվ է կատարել «Պորտուի» դարպասապահ Դիոգու Կոշտան։
Պորտուգալիայի գոլերը խփել են Ռոնալդուն, Բրունու Ֆերնանդեշը եւ Բերնարդու Սիլվան։
Պորտուգալիան քառորդ եզրափակիչում կմրցի աշխարհի փոխչեմպիոն Ֆրանսիայի հետ, որը 1:0 հաշվով հաղթել է Բելգիային։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.