Ռոբերտո Մարտինես․ Պորտուգալիայի գլխավոր գաղտնիքը Դիոգու Կոշտան է
11:07 2 հուլիսի, 2024Պորտուգալիայի հավաքականի գլխավոր մարզիչ Ռոբերտո Մարտինեսը մեկնաբանել է «Պորտուի» դարպասապահ Դիոգու Կոշտայի անհավանական խաղը Գերմանիայում ընթացող Եվրո-2024-ի 1/8 եզրափակիչում։ Պորտուգալիան հետխաղային 11-մետրանոցներով 3:0 հաշվով հաղթել է Սլովենիային։ Դիոգու Կոշտան հետ է մղել երեք հարվածներն էլ։ Հիմնական եւ լրացուցիչ ժամանակն ավարտվել էր 0:0 հաշվով։
«Պորտուգալիայի գլխավոր գաղտնիքը Դիոգու Կոշտան է։ Եվրոպական ֆուտբոլում էլ նա նույնն է։ Այսօր նա այլ մակարդակի վրա էր։ Հանդիպման ընթացքում Կոշտան հրաշալի էր գործում, երբ մրցակիցը միայնակ էր իր դեմ։ Հետո էլ կենտրոնացվածության ու որակների պակաս չունեցավ՝ հետ մղելով երեք հարվածներն էլ։ Մենք պետք է հպարտանանք նրանով»,- Ռոբերտո Մարտինեսի խոսքը մեջբերում է ՈՒԵՖԱ-ի կայքը։
Քառորդ եզրափակիչում Պորտուգալիան կմրցի աշխարհի փոխչեմպիոն Ֆրանսիայի հետ։ Այդ հանդիպումը տեղի կունենա հուլիսի 5-ին եւ կմեկնարկի Երեւանի ժամանակով 23:00-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.