Նեւիլ․ Անգլիան արդեն չորրորդ խաղում անընդմեջ ահավոր էր

16:29   1 հուլիսի, 2024

«Մանչեսթեր Յունայթեդի» նախկին պաշտպան, անգլիացի ֆուտբոլային մեկնաբան Գարի Նեւիլը քննադատել է Անգլիայի հավաքականի խաղը։

Եվրո-2024-ի 1/8 եզրափակիչում Անգլիան լրացուցիչ ժամանակում 2:1 հաշվով հաղթել էր Սլովակիային Մադրիդի «Ռեալի» կիսապաշտպան Ջուդ Բելինգեմի եւ Մյունխենի «Բավարիայի» հարձակվող Հարի Քեյնի գոլերի շնորհիվ։

«Պետք է նայենք երկնքին եւ շնորհակալություն հայտնենք աստղերին, որ կարողացանք դուրս գալ հաջորդ փուլ։ Անգլիան արդեն չորրորդ խաղում անընդմեջ ահավոր էր։ Նույնիսկ, լրացուցիչ ժամանակում մենք լավ չէինք խաղում։ Հավաքականը պետք է ինչ-որ բան խորքային փոխի։

Ուրախ եմ Սաութգեյթի համար։ Նա հրաշալի տղա է, շատ ազնիվ է, բայց շուտով կհասկանա, որ մազից էր կախված»,- Նեւիլի խոսքը մեջբերում է ITV-ն։

Քառորդ եզրափակիչում Անգլիայի մրցակիցը կլինի Շվեյցարիան, որը պայքարից դուրս էր թողել Եվրո-2020-ի չեմպիոն Իտալիային։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.