Մբապե․ Դիմակով խաղալը բացարձակ մղձավանջ է
10:42 1 հուլիսի, 2024Աշխարհի չեմպիոն Ֆրանսիայի հավաքականի հարձակվող Կիլիան Մբապեն («Ռեալ Մադրիդ») դժգոհել է, որ շատ անհարմար է պաշտպանիչ դիմակով խաղալը։
Եվրո-2024-ի խմբային փուլի առաջին խաղում Մբապեն մրցակցի ուսին բախվելու հետեւանքով քթի կոտրված էր ստացել, Ֆրանսիան 1:0 հաշվով հաղթել էր Ավստրիային։
«Հարվածի պահին ոչինչ չհասկացա։ Երբ տեսա, թե ինչպես է մրցակցի դարպասապահը նայում վրաս, հասկացա, որ ինչ-որ բան այնպես չէ։ Երբ տեսա դեմքս հայելու մեջ, մտածեցի, որ մրցաշարն ավարտված է ինձ համար։
Դիմակով խաղալը բացարձակ մղձավանջ է։ Ստիպված էի փոխել առաջինը, քանի որ հարմար չէր։
Դիմակով խաղալը բարդ է, քանի որ սահմանափակում է կողմնային տեսողությունդ, նաեւ քրտինք է կուտակվում եւ ստիպված ես լինում հանել դիմակդ, որպեսզի քրտինքը չորացնես։
Տպավորություն է, որ 3D ակնոցով VIP օթյակից ֆուտբոլ եմ դիտում։ Տեսնում եմ մարդկանց շուրջս, բայց չկա զգացողություն, որ խաղադաշտում եմ»,- Մբապեի խոսքը մեջբերում է RMC Sport-ը։
1/8 եզրափակիչում Ֆրանսիան հուլիսի 1-ին կմրցի բելգիացիների հետ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.