Սաութգեյթ․ Բելինգեմն ընդամենը 21 տարեկան է, բայց անհավանական լավ է հանդես գալիս

09:32   1 հուլիսի, 2024

Ֆուտբոլի Անգլիայի հավաքականի գլխավոր մարզիչ Գարեթ Սաութգեյթը մեկնաբանել է լրացուցիչ ժամանակում 2:1 հաշվով կամային հաղթանակը Սլովակիայի նկատմամբ Եվրո-2024-ի 1/8 եզրափակիչում։ Գոլերը խփել էին Մադրիդի «Ռեալի» կիսապաշտպան Ջուդ Բելինգեմը եւ Մյունխենի «Բավարիայի» հարձակվող Հարի Քեյնը։

«Շատ հպարտ եմ մեր խաղացողներով եւ բնավորությամբ, որ նրանք ցուցադրեցին այս խաղում։ Յուրաքանչյուրն ունեցավ իր ներդրումը եւ օգնեց հաղթահարել այս արգելքը։ Այս խաղացողները մշտապես օգնում են իրար, մղում առաջ։

Բելինգեմն ընդամենը 21 տարեկան է, բայց անհավանական լավ է հանդես գալիս։ Նա արդեն անհավանական ազդեցություն է ունեցել ակումբներում եւ ազգային թիմում, թեեւ այսքան երիտասարդ է։ Նրա բնավորությունը, անհատականությունը թույլ են տալիս ստեղծել հաղթանակի տանող պահեր։ Այս խաղում նա արեց դա։ Բելինգեմը հրաշալի տղա է եւ հաճելի է նրա հետ աշխատել»,- Սաութգեյթի խոսքը մեջբերում է ՈՒԵՖԱ-ի կայքը։

Քառորդ եզրափակիչում Անգլիան հուլիսի 6-ին կմրցի Շվեյցարիայի հետ։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.