Եվրո-2024. Բելինգեմի գոլի շնորհիվ Անգլիան պայքարը տեղափոխեց լրացուցիչ ժամանակ (տեսանյութ)
21:58 30 հունիսի, 2024Եվրո-2024-ի գլխավոր ֆավորիտներից Անգլիայի հավաքականը փրկվեց պարտությունից 1/8 եզրափակիչի հանդիպման ավելացված ժամանակում։ Սլովակիայի հետ խաղում անգլիացի Գարեթ Սաութգեյթի գլխավորած թիմը հաշիվը հավասարեցրեց վերջին վայրկյաններին՝ 1:1։
Գելզենկիրխենում ընթացող հանդիպման 25-րդ րոպեին աչքի ընկավ Պրահայի «Սլավիայի» հարձակվող Իվան Շրանցը (տեսանյութ)։ Գոլային փոխանցումը կատարեց Բրատիսլավայի «Սլովանի» հարձակվող Դավիդ Ստրելեցը։
81-րդ րոպեին Լոնդոնի «Արսենալի» կիսապաշտպան Դեքլան Ռայսի հզոր հարվածից հետո Սլովակիային գոլից փրկեց ուղղահայաց դարպասաձողը։
Ավելացված 5-րդ րոպեին հավասարությունը վերականգնեց եւ պայքարը լրացուցիչ ժամանակ տեղափոխեց Մադրիդի «Ռեալի» 21-ամյա կիսապաշտպան Ջուդ Բելինգեմը (տեսանյութ)։ Գոլային փոխանցումը կատարեց Լոնդոնի «Քրիսթալ Փելասի» պաշտպան Մարկ Գեհին։
Այս զույգի հաղթողը քառորդ եզրափակիչում կմրցի Շվեյցարիայի հետ, որը 1/8 եզրափակիչում 2:0 հաշվով պարտության էր մատնել Եվրո-2020-ի չեմպիոն Իտալիային։
Start-XI @England vs. @sfzofficial . #EURO2024 | #ENGSVK | #ENG | #SVK pic.twitter.com/H22pZKGJsE
— UEFA EURO 2024 DE (@EURO2024DE) June 30, 2024
Bellingham! 90e+5 #EURO2024 #ENGSVK pic.twitter.com/sZ5TgudH4G
— UEFA EURO 2024 (@EURO2024FRA) June 30, 2024
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.