Դե լա Ֆուենտե․ Սանյոլը ֆանտաստիկ աշխատանք է կատարել Վրաստանի թիմում
14:03 30 հունիսի, 2024Իսպանիայի հավաքականի գլխավոր մարզիչ Լուիս դե լա Ֆուենտեն խոսել է Վրաստանի հետ առաջիկա դիմակայության մասին։ Թիմերը կհանդիպեն Եվրո-2024-ի 1/8 եզրափակիչում։
«Ֆուտբոլում անակնկալներ շատ են եղել եւ կլինեն նաեւ ապագայում։ Վրաստանը հաղթեց Պորտուգալիային, բայց մեկ առանձին խաղում ամեն ինչ էլ կարող է պատահել։ Մենք պետք է լինենք մեր մակարդակի վրա, որպեսզի կարողանանք հաղթել։
Ես շատ լավ գիտեմ վրացական ֆուտբոլը, ծանոթ եմ տարբեր սերնդի վրացի խաղացողների հետ։ Ես տեսել եմ, թե ինչպես է զարգանում վրացական ֆուտբոլը։
Վիլի Սանյոլը ֆանտաստիկ աշխատանք է կատարել Վրաստանի հավաքականում։ Նա շատ փորձառու է ֆուտբոլային աշխարհում։
Ես գերազանց հարաբերություններ ունեմ նրա հետ եւ շատ ուրախ եմ, որ ամեն ինչ լավ է ստացվում նրա մոտ»,- Դե լա Ֆուենտեի խոսքը մեջբերում է ՈՒԵՖԱ-ի կայքը։
Իսպանիա - Վրաստան հանդիպումը տեղի կունենա հունիսի 30-ին Քյոլնում եւ կմեկնարկի Երեւանի ժամանակով 23:00-ին։ Այս զույգի հաղթողը քառորդ եզրափակիչում կմցրի Գերմանիայի հետ, որը 1/8 եզրափակիչում 2:0 հաշվով հաղթել է Դանիային։
Եվրո-2024-ի ընտրական փուլում Վրաստանն ու Իսպանիան ընդգրկված էին նույն խմբում։ Երկու խաղում էլ հաղթել է Իսպանիան՝ 7:1, 3:1:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.