Եվրո-2024. Օրվա հանդիպումների անոնս
09:10 25 հունիսի, 2024Գերմանիայում շարունակվող Եվրո-2024-ում հունիսի 25-ին խմբային փուլի վերջին տուրի հանդիպումները կանցկացնեն C եւ D խմբերում ընդգրկված թիմերը։
C խմբում Անգլիայի հավաքականը կմրցի Սլովենիայի, Դանիան՝ Սերբիայի հետ։
Երկու տուրից հետո առաջատարը Անգլիան է, որը վաստակել է 4 միավոր։ Անգլիան առաջին տուրում 1:0 հաշվով հաղթել էր Սերբիային, երկրորդ տուրում 1:1 հաշվով ոչ ոքի խաղացել Դանիայի հետ, որը 2 միավորով երկրորդն է։ Դանիացիները ոչ ոքի (1:1) էին խաղացել նաեւ Սլովենիայի հետ (2 միավոր)։ Սլովենիան 1:1 հաշվով էին ավարտել հանդիպումը նաեւ Սերբիայի հետ։
D խմբում աշխարհի փոխչեմպիոն Ֆրանսիան կխաղա Լեհաստանի, Նիդերլանդները՝ Ավստրիայի դեմ։
Նիդերլանդներն ու Ֆրանսիան ունեն 4-ական միավոր, Ավստրիան՝ 3 միավոր։ Լեհաստանը երկու պարտություն է կրել։
Ֆրանսիան առաջին տուրում 1:0 հաշվով հաղթել էր Ավստրիային, երկրորդ տուրում 0:0 հաշվով խաղացել հոլանդացիների հետ, որոնք առաջին տուրում 2:1 հաշվով հաղթել էին լեհերին։ Ավստրիան նույնպես պարտության էր մատնել լեհերին՝ 3:1:
Եվրո-2024, երրորդ տուր
D խումբ
Ֆրանսիա - Լեհաստան՝ 20:00 (Երեւանի ժամանակ)
Նիդերլանդներ - Ավստրիա՝ 20:00
C խումբ
Դանիա - Սերբիա՝ 23:00
Անգլիա - Սլովենիա՝ 23:00
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.