Marca-ն՝ Նեյմարի եւ «Բարսելոնայի» մասին
12:50 20 նոյեմբերի, 2012Իսպանական Marca թերթը Չեմպիոնների լիգայի խմբային փուլի 5-րդ տուրի՝ «Սպարտակ» - «Բարսելոնա» խաղից առաջ անդրադարձել է Բրազիլիայի հավաքականի եւ «Սանթոսի» հարձակվող Նեյմարին։
Մոսկվայում կայանալիք խաղից առաջ անցկացված մամուլի ասուլիսում իսպանական թերթի ներկայացուցիչները «Բարսելոնայի» ֆինանսական հարցերով ղեկավար Խավիեր Ֆաուսին խնդրել են մեկնաբանել Նեյմարի՝ կատալոնական ակումբ տեղափոխվելու մասին լուրերը։
Աղբյուրի փոխանցմամբ՝ 20-ամյա բրազիլացին արդեն պայմանագիր է ստորագրել «Բարսելոնայի» հետ եւ 2014-ից կխաղա Տիտո Վիլանովայի թիմում։ Marca-ն պնդում է, որ «Բարսելոնան» արդեն նախնական 10 միլիոն եվրո է վճարել «Սանթոսին»։
«Հիանալի կլիներ պայմանագիր կնքել Նեյմարի հետ։ Դա մեծ առաջընթաց կլիներ մարկետինգի առումով։ Մենք ցանկանում ենք մեր դիքերն ուժեղացնել Հնդկստանում եւ Չինաստանում եւ, իհարկե, Բրազիլիայում։ Այս պահին միայն այդքանը կարող եմ ասել»,- հայտարարել է Խավիեր Ֆաուսը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.