Արթուր Աբրահամը նկարահանվել է կավատի դերում (ֆոտո)

14:02   19 նոյեմբերի, 2012

WBO վարկածով սուպերմիջինքաշային կարգի աշխարհի չեմպիոն, հայ պրոֆեսիոնալ բռնցքամարտիկ Արթուր Աբրահամը (35-3-0, 27 նոկաուտ) նկարահանվել է գերմանացի հայտնի դերասան եւ պրոդյուսեր Թիլ Շվայգերի ֆիլմում:

Գերմանացի դերասանը հայտնել է, որ գոհ է բռնցքամարտիկի աշխատանքից։ Ֆիլմում Աբրահամը կավատի դեր է կատարել։

Թիլ Շվայգերն ու Արթուր Աբրահամը վաղուց են ճանաչում միմյանց։ Դերասանը բազմիցս ներկա է եղել նրա մենամարտերին, իսկ Ռոբերտ Շտիգլիցի հետ չեմպիոնական մրցամարտից հետո բռնցքամարտիկին առաջարկել է նկարահանվել իր ֆիլմում։ «Հանցանքի վայրը» վերնագրով ֆիլմի շնորհանդեսը կկայանա 2013-ի ապրիլին, հայտնում է Bild-ը։

Հիշեցնենք, որ Աբրահամը նախապատրաստվում է Ֆրանսիայի ներկայացուցիչ Մեհդի Բուադլայի (26-5-0, 11 նոկաուտ) հետ մենամարտին, որը կկայանա 2012-ի դեկտեմբերի 15-ին: 



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։