ԵԱ. Գագիկ Խաչիկյանը 9-րդն է (ֆոտո, վիդեո)
21:32 26 ապրիլի, 2024Գագիկ Խաչիկյանն ավարտեց մրցելույթը Եվրոպայի առաջնության նժույգ թափեր վարժության եզրափակիչում եւ զբաղեցրեց 9-րդ տեղը:
Իտալիայի Ռիմինի քաղաքում ընթացող սպորտային մարմնամարզության Եվրոպայի առաջնության երրորդ մրցումային օրը մեկնարկել են եզրափակիչները:
Նժույգ թափեր վարժությունում եզրափակիչին մասնակցեց 22-ամյա Գագիկ Խաչիկյանը: Հայաստանի ներկայացուցիչը վաստակեց 12.466 միավոր:
Երիտասարդ մարմնամարզիկը վարժությունը լիարժեք չկարողացավ կատարել, գործիքի վրայից ընկավ, ապա շարունակեց: Մրցագորգում Խաչիկյանին օգնող Հայաստանի հավաքականի մարզիչ Հայկ Նազարյանը բարկացավ սանի մասնակցությունից:
Որակավորման փուլում Խաչիկյանը վաստակել էր 14.600 միավոր:
Նժույգ թափեր վարժության եզրափակիչում Գագիկ Խաչիկյանից բացի, Ուկրաինայի ներկայացուցիչ Իգոր Վերնյաեւը եւ Իսրայելը ներկայացուցիչ Իլյա Լյուբիմովը նույնպես ընկան գործիքի վրայից:
Ի դեպ, յուրաքանչյուր մարմնամարզիկի մասնակցության ընթացքում մարզապալատում հնչում էր տվյալ երկրի երաժշտություն: Գագիկ Խաչիկյանի մասնակցության ընթացքում դահլիճում հնչում էր հայկական դուդուկ:
Այս վարժությունում Եվրոպայի չեմպիոնի տիտղոսը նվաճեց աշխարհի եւ Եվրոպայի կրկնակի չեմպիոն, իռլանդացի Ռիս Մաքքլենագանը:
NEWS.am Sport-ը սպորտային մարմնամարզության Եվրոպայի առաջնությունն Իտալիայից լուսաբանում է Յունիբանկի աջակցությամբ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.