ԵԱ․ Լիլիթ Մկրտչյանը հաղթեց ադրբեջանցի Հաջիեւային
22:44 21 ապրիլի, 2024Հունաստանում անցկացվող շախմատի կանանց Եվրոպայի անհատական առաջնության երրորդ տուրում Հայաստանի ներկայացուցիչներից Լիլիթ Մկրտչյանը սեւ ֆիգուրներով պարտության մատնեց ադրբեջանցի Լաման Հաջիեւային եւ վաստակել է 2 միավոր։
Նույնքան միավոր ունի Էլինա Դանիելյանը, որը երրորդ տուրում ոչ ոքի խաղաց սլովակ Սուզանա Բորոսովայի հետ։
Լիլիթ Մկրտչյանն ու Էլինա Դանիելյանը բաժանում են 33-75-րդ տեղերը։
Մարիամ Մկրտչյանը հաղթեց ավստրիացի Էլիզաբեթ Հապալային։ Սուսաննա Գաբոյանը պարտվեց Չեռնոգորիայի ներկայացուցիչ Ալեքսանդրա Ժերեբցովային։
Մարիամ Մկրտչյանն ու Սուսաննա Գաբոյանն ունեն 1,5-ական միավոր։
Առաջնությունում շվեյցարական մրցակարգով կանցկացվի 10 տուր: Մրցանակային հիմնադրամը 60 հազար եվրո է։
Առաջնությունը նաև ընտրական է կանանց աշխարհի գավաթի խաղարկության համար: Նախնական տվյալներով՝ մասնակցության իրավունք կստանան առնվազն 10 շախմատիստուհիներ:
Եվրոպայի առաջնությունը կավարտվի ապրիլի 29-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։