Արտյոմ Բաղդասարյանը` բրոնզե մեդալակիր
13:00 18 նոյեմբերի, 2012Չեխիայի մայրաքաղաք Պրահայում ընթացող ձյուդոյի մինչեւ 23 տարեկանների Եվրոպայի առաջնությունում Հայաստանի ներկայացուցիչ Արտյոմ Բաղդասարյանը չորս հաղթանակի եւ մեկ պարտության արդյունքում գրավեց 3-րդ տեղը` դառնալով Եվրոպայի առաջնությունների եռակի մրցանակակիր:
Առաջին գոտեմարտում Արտյոմ Բաղդասարյանը իպոնով հաղթեց Ադրբեջանը ներկայացնող Տուրալ Սաֆգուլիեվին, որից հետո հաղթեց Շվեդիայի ներկայացուցչին, համառ պայքարում` լրացուցիչ ժամանակում, երրորդ գոտեմարտում պարտվեց ռուսաստանցի Ստանիսլավ Սեմյոնովին, որից հետո հաջորդաբար հաղթեց սլովենացի եւ գերմանացի ձյուդոիստների եւ նվաճեց բրոնզե մեդալը 81կգ քաշային կարգում:
Մրցումների երկրորդ օրվա հաշվարկով տղաների պայքարում ընդհանուր հաշվով Հայաստանը 4 մասնակցով 5-րդ տեղում է, Ռուսաստանի, Բելառուսի, Լեհաստանի եւ Իտալիայի թիմերից հետո: Առաջնության վերջին օրը Հայաստանը ներկայացուցիչ չունի:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.