«Մասթերս»․ Ցիցիպասը պարտության մատնեց Զվերեւին եւ կմրցի Խաչանովի հետ

18:27   11 ապրիլի, 2024

Մոնտե Կառլոյում անցկացվող «Մասթերս» մրցաշարի երրորդ շրջանում աշխարհի 12-րդ ռակետ, հույն Ստեֆանոս Ցիցիպասը 7:5, 7:6 (7:3) հաշվով առավելության հասավ աշխարհի 5-րդ ռակետ, Գերմանիայի ներկայացուցիչ Ալեքսանդր Զվերեւի նկատմամբ։ Մրցախաղը տեւեց 2 ժամ եւ 8 րոպե։

Քառորդ եզրափակիչում Ստեֆանոս Ցիցիպասի մրցակիցը կլինի աշխարհի 17-րդ ռակետ, ռուսաստանցի Կարեն Խաչանովի հետ, որը երրորդ շրջանում պարտության էր մատնել աշխարհի չորրորդ ռակետ, ռուսաստանցի Դանիիլ Մեդվեդեւին։

Մոնտե Կառլոյի «Մասթերսի» մրցանակային հիմնադրամը 5,9 միլիոն եվրո է։ Մրցաշարը կավարտվի ապրիլի 14-ին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։