Արման Ծառուկյան․ Օլիվեյրային համարում եմ ամենավտանգավոր մրցակիցը

Խառը մենամարտերի թեթեւ քաշային կարգում (մինչեւ 70 կգ)  UFC դասակարգման չորրորդ համար Արման Ծառուկյանը (Հայաստան) խոսել է դասակարգման առաջին համար, բրազիլացի Չարլզ Օլիվեյրայի հետ առաջիկա մենամարտի մասին։

«Օլիվեյրային համարում եմ ամենավտանգավոր մրցակիցը։ Նա շատ բազմակողմանի մարտիկ է, նա հարվածում է եւ կռվում է։ Օլիվեյրան գերազանց ջիու-ջիթսուի է տիրապետում։ Նա կարողանում է կանգնել, երբ վնաս է կրում։ Օլիվեյրան նաեւ հսկայական փորձ ունի։ Նա արդեն շատ բաներ է տեսել՝ տիտղոսային մենամարտեր եւ փառք»,- Արման Ծառուկյանի խոսքը մեջբերում է sport24.ru-ն։

UFC 300-ի Ծառուկյան - Օլիվեյրա մենամարտը տեղի կունենա ապրիլի 13-ին ԱՄՆ-ի Լաս Վեգաս քաղաքում։

Ծառուկյանը խառը մենամարտերում անցկացրել է 24 մենամարտ, տարել 21 հաղթանակ, կրել 3 պարտություն։ Օլիվեյրան տարել է 34 հաղթանակ, կրել 9 պարտություն։