«Ինտերը» պարտության մատնեց «Ուդինեզեին» (տեսանյութ)

00:43   9 ապրիլի, 2024

Իտալիայի առաջնության 31-րդ տուրում առաջատար «Ինտերը» հյուրընկալվեց «Ուդինեզեին»։ Իտալացի Սիմոնե Ինձագիի գլխավորած թիմը հաղթեց 2:1 հաշվով։

40-րդ րոպեին հանդիպման հաշիվը բացեց «Ուդինեզեի» սերբ կիսապաշտպան Լազար Սամարջիչը։ 55-րդ րոպեին հավասարությունը վերականգնեց «Ինտերի» թուրք կիսապաշտպան Հական Չալհանօղլուն, որն արդյունավետ իրացրեց 11-մետրանոցը։

Հայաստանի հավաքականի նախկին ավագ, կիսապաշտպան Հենրիխ Մխիթարյանն «Ինտերի» մեկնարկային կազմում էր։ Նրան 68-րդ րոպեին փոխարինեց իտալացի կիսապաշտպան Դավիդե Ֆրատեզին, որը խփեց հյուրերի հաղթական գոլն ավելացված 5-րդ րոպեին։

«Ինտերը» 82 միավորով գլխավորում է մրցաշարային աղյուսակը եւ 14 միավոր առաջ է երկրորդ տեղում գտնվող «Միլանից»։ «Ուդինեզեն» 15-րդն է՝ 28 միավոր։

Իտալիայի առաջնություն, 31-րդ տուր

«Ուդինեզե» - «Ինտեր»՝ 1:2 

Լազար Սամարջիչ, 40 - Հական Չալհանօղլու, 55, 11մ, Դավիդե Ֆրատեզի, 90+5



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.