«Լիվերպուլի» եգիպտացի հարձակվող Մոհամեդ Սալահը Անգլիայի Պրեմիեր լիգայի պատմության մեջ միակ ֆուտբոլիստն է, որը 6 գոլ է խփել «Մանչեսթեր Յունայթեդին» «Օլդ Տրաֆորդ» ստադիոնում, հաղորդում է Optа-ն։
Մոհամեդ Սալահը գերազանցեց «Լիվերպուլի» նախկին ավագ, անգլիացի Սթիվեն Ջերարդի ցուցանիշը՝ 5 գոլ։
Անգլիայի Պրեմիեր լիգայի 32-րդ տուրում «Լիվերպուլը» 2:2 հաշվով ոչ ոքի խաղաց «Մանչեսթեր Յունայթեդի» դեմ արտագնա խաղում։ 84-րդ րոպեին 11-մետրանոցից Սալահի գոլի շնորհիվ գերմանացի Յուրգեն Կլոպի գլխավորած թիմը խուսափեց պարտությունից։
Ընթացիկ մրցաշրջանում Սալահը «Լիվերպուլի» հետ բոլոր մրցաշարերում մասնակցել է 35 հանդիպման, խփել է 23 գոլ, կատարել 13 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։