«Ինտերի» հաղթանակը՝ 2:0 (տեսանյութ)
00:39 2 ապրիլի, 2024Իտալիայի առաջնության 30-րդ տուրում առաջատար «Ինտերը» Միլանում ընդունեց «Էմպոլիին»։ Իտալացի Սիմոնե Ինձագիի գլխավորած թիմը հաղթեց 2:0 հաշվով։
Արդեն 5-րդ րոպեին հանդիպման հաշիվը բացեց իտալացի պաշտպան Ֆեդերիկո Դիմարկոն։
81-րդ րոպեին դաշտի տերերի առավելությունը կրկնապատկեց չիլիացի հարձակվող Ալեքսիս Սանչեսը։
Հայաստանի հավաքականի նախկին ավագ, կիսապաշտպան Հենրիխ Մխիթարյանն «Ինտերի» մեկնարկային կազմում էր եւ փոխարինվեց 84-րդ րոպեին։
«Ինտերը» 79 միավորով գլխավորում է մրցաշարային աղյուսակը եւ երկրորդ տեղում գտնվող «Միլանից» առաջ է 14 միավոր։ «Էմպոլին» 18-րդն է՝ 25 միավոր։
Իտալիայի առաջնություն, 30-րդ տուր
«Ինտեր» - «Էմպոլի»՝ 2:0
Ֆեդերիկո Դիմարկո, 5, Ալեքսիս Սանչես, 81
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։