AS. Ռոնալդուի ապագան՝ Փարիզում կամ Մանչեսթերում
10:14 17 նոյեմբերի, 2012Իսպանական AS թերթն անդրադարձել է Մադրիդի «Ռեալի» պորտուգալացի հարձակվող Կրիշտիանու Ռոնալդուի ապագայի հետ կապված տեղեկություններին:
Հեղինակավոր թերթի համաձայն՝ «Ռեալից» հեռանալու դեպքում Պորտուգալիայի հավաքականի առաջատարը կարիերան կշարունակի «Մանչեսթեր Սիթիում», «Պարի Սեն Ժերմենում» կամ «Մանչեսթեր Յունայթեդում»: Այս երեք ակումբների ղեկավարները վստահ են, որ իրենք կարող են այնպիսի մթնոլորտ ստեղծել Ռոնալդուի համար, որ խփած գոլից հետո պորտուգալացին ոչ թե տխրի, այլ ուրախանա:
«Մանչեսթեր Յունայթեդին» շատ է ոգեւորել Ռոնալդուի՝ «Կցանկնայի դարձյալ խաղալ Ալեքս Ֆերգյուսոնի գլխավորած թիմում» հայտարարությունը: Սակայն, ի տարբերություն ՊՍԺ-ի ու «Մանչեսթեր Սիթիի», Անգլիայի 19-ակի չեմպիոնը ի վիճակի չէ 27-ամյա պորտուգալացուն ձեռք բերելու համար առաջարկել այն գումարը, որը պատրաստ են վճարել մյուս երկու հավակնորդները: ՊՍԺ-ի ու «Մանչեսթեր Սիթիի» ղեկավարները պատրաստ են ցանկացած գումար առաջարկել «Ռեալին»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.