Ինձ թվում է, այպիսի թիմերի դեմ ավելի լավ խաղ պետք է ցուցադրենք, կենտրոնացվածությունն ավելի բարձր լինի, որ մեր շանսերը կարողանանք իրացնել եւ այսպիսի անիմաստ գոլ բաց չթողենք:
Այս մասին լրագրողների հետ ճեպազրույցում ասաց Հայաստանի հավաքականի եւ չինական «Ցինդաո Ուեստ Քոսթ»-ի պաշտպան Վարազդատ Հարոյանը՝ մեկնաբանելով Կոսովոյից կրած պարտությունը:
«Ինձ թվում է՝ այսպիսի թիմերի դեմ ավելի լավ խաղ պետք է ցուցադրենք, կենտրոնացվածությունը պետք է ավելի բարձր լինի, որ մեր շանսերը կարողանանք իրացնել եւ այսպիսի անիմաստ գոլ բաց չթողնենք: Մյուս խաղը Չեխիայի դեմ է, տեսնենք, ինչպես կստացվի: Չեխիան մի քանի անգամ ուժեղ է այս թիմից, այնպես որ մյուս խաղը կանցկացնենք ավելի ուժեղ մրցակցի հետ:
Իմ կարծիքով առաջին խաղակեսում լավ չխաղացինք, երկրորդ խաղակեսում փորձեցինք ինչ-որ բան փոխել, բայց չստացվեց:
Ես միշտ հավաքականի խաղերին մոտենում եմ առավելագույնս կենտրոնացած, փորձում եմ մարզավիճակս մաքսիմալ լավ պահել: Այս անգամ քանի որ տեղափոխվեցի Չինաստան, հավաքների ժամանակ բոլոր խաղերը խաղացել եմ, առաջնության սկզբից էլ երկու անգամ 90 րոպե խաղացել եմ, այդ պատճառով տոնուսի մեջ եմ»,- ասաց Վարազդատ Հարոյանը:
Կոսովոյի հետ ընկերական խաղում Հայաստանի հավաքականը պարտվեց 0:1 հաշվով:
Հաջորդ ընկերական հանդիպումը Հայաստանի թիմը կանցկացնի մարտի 26-ին՝ Պրահայում հյուրընկալվելով Չեխիայի հավաքականին։
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։