Միլանի «Ինտերի» պաշտպան Ֆրանչեսկո Աչերբին հերքել է մեղադրանքը, թե ռասիստական բնույթի արտահայտություն է արել «Նապոլիի» բրազիլացի խաղացող Ժուան Ժեսուսի հասցեին։ Աչերբին հեռացվել է Իտալիայի հավաքականի հայտացուցակից։
«Ես երբեք ոչ մի ռասիստական բառ չեմ ասել, ես շատ հանգիստ եմ։ Ես ֆուտբոլ եմ խաղում արդեն 20 տարի եւ գիտեմ, թե ինչ եմ ասում։ Շատ բան է տեղի ունենում խաղադաշտում, շատ բան կարելի է ասել հանդիպման ժամանակ։ Աշխարհում պետք է չլինի ռասիզմ։ Ափսոսում եմ, որ ստիպված եմ լքել հավաքականը»,- Աչերբիի խոսքը մեջբերում է Goal.com-ը։
«Ինտերն» ու «Նապոլին» հանդիպել էին Իտալիայի առաջնության 29-րդ տուրում մարտի 17-ին։ Աչերբին ու Ժեսուսը վիճաբանություն էին ունեցել խաղադաշտում։ Հանդիպումն ավարտվել էր ոչ ոքի՝ 1:1:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։