Մենք ամեն խաղին պայքարում ենք հաղթանակի համար: Ազգերի լիգայի պայքարում համարում եմ, որ կարող ենք դուրս գալ խմբից: Ամեն ինչ փորձելու ենք անել, որ ստացվի:
Այս մասին լրագրողների հետ զրույցում ասաց Ֆուտբոլի Հայաստանի հավաքականի եւ «Փյունիկի» կիսապաշտպան Հովհաննես Հարությունյանը:
Մարտի 18-ին Ֆուտոբլի Հայաստանի հավաքականն ուկրաինացի Ալեքսանդր Պետրակովի գլխավորությամբ մեդիայի ներկայացուցիչների համար բաց մարզում անցկացրեց:
Հովհաննես Հարությունյանը ազգային հավաքականի անդամների հետ մասնակցեց մարզմանը:
«Մենք ամեն խաղին պայքարում ենք հաղթանակի համար: Ազգերի լիգայի պայքարում համարում եմ, որ կարող ենք դուրս գալ խմբից: Ամեն ինչ փորձելու ենք անել, որ ստացվի: Կոսովոն եւ Չեխիան ուժեղ մրցակիցներ են:
Գլխավոր մարզիչն ընտրել է ուժեղ մրցակիցների, որպեսզի խաղանք ուժեղների դեմ, տեսնենք մեր թույլ եւ ուժեղ կողմերը եւ հասկանա, թե ինչ ենք կարողանում անել: Մեզ համար չկա ընկերական խաղ, պետք է փորձենք հաղթել այս խաղերում:
Շատ տխուր ենք, որ չկան Տիկնիզյանն ու Դաշյանը: Դեռ չգիտենք՝ ինչ կազմով ենք խաղալու, մարզիչը դեռ չի ասել: Ունենք մի քանի օր պատրաստվելու համար, տեսնենք, թե ինչպես կլինի»,- ասաց Հովհաննես Հարությունյանը :
Հայաստանի հավաքականը մարտի 22-ին կընդունի Կոսովոյի թիմին, մարտի 26-ին կհյուրընկալվի Չեխիայի հավաքականին։
Լուսինե Շահբազյան
Ֆոտո՝ Էմմա Ասատրյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։