«Ինտերն» ու «Նապոլին» խաղացին ոչ ոքի (տեսանյութ)

Իտալիայի առաջնության 29-րդ տուրում առաջատար «Ինտերը» Միլանում հյուրընկալեց չեմպիոն «Նապոլիին» եւ հաղթանակը բաց թողեց վերջին րոպեներին։ Գրանցվեց ոչ ոքի՝ 1:1:

43-րդ րոպեին հանդիպման հաշիվը բացեց իտալացի պաշտպան Մատեո Դարմիանը (տեսանյութ)։ 82-րդ րոպեին պատասխան գոլը խփեց «Նապոլիի» բրազիլացի պաշտպան Ժուան Ժեզուսը (տեսանյութ)։

Հայաստանի հավաքականի նախկին ավագ, կիսապաշտպան Հենրիխ Մխիթարյանն «Ինտերի» մեկնարկային կազմում էր եւ մասնակցեց ամբողջ հանդիպմանը։

«Ինտերը» 76 միավորով գլխավորում է մրցաշարային աղյուսակը եւ 14 միավորի առավելություն ունի երկրորդ տեղում գտնվող «Միլանի» նկատմամբ։ «Նապոլին» 7-րդն է՝ 45 միավոր։

Իտալիայի առաջնություն, 29-րդ տուր

«Ինտեր» - «Նապոլի»՝ 1:1 

Մատեո Դարմիան, 43 - Ժուան Ժեզուս, 82