Նովակ Ջոկովիչի հակառեկորդը

Աշխարհի առաջին ռակետ, սերբ Նովակ Ջոկովիչը կարիերայի ընթացքում պարտվել է Պրոֆեսիոնալ թենիսիստների ասոցիացիայի դասակարգման աղյուսակում ամենացածր վարկանիշ ունեցող մրցակցի՝ գրանցելով հակառեկորդ։

Ինդիան Ուելսի «Մասթերս» մրցաշարի երրորդ շրջանում Նովակ Ջոկովիչը պարտվել է աշխարհի 123-րդ ռակետ, իտալացի Լուկա Նարդիին (4:6, 6:3, 3:6)։

Ջոկովիչը նաեւ կարիերայում առաջին անգամ պարտվեց «լաքի-լուզերի» կարգավիճակում հանդես եկող թենիսիստի։ Լուկա Նարիդն այս մրցաշարի ընտրական փուլի վճռական մրցախաղում պարտվել էր, սակայն մի քանի մասնակիցների հրաժարվելուց հետո ստացել մասնակցության իրավունք։

Նովակ Ջոկովիչն Ինդիան Ուելսի մրցաշարի տիտղոսը նվաճել է 2008, 2011, 2014, 2015, 2016 թվականներին։