«Ալաշկերտի» ֆուտբոլիստը հրավիրվել է Հյուսիսային Մակեդոնիայի հավաքական
11:38 5 մարտի, 2024«Ալաշկերտի» վինգեր Ստեֆան Աշկովսկին հրավիրվել է Հյուսիսային Մակեդոնիայի հավաքական, հաղորդում է երեւանյան ակումբի ֆեյսբուքյան էջը։
Ստեֆան Աշկովսկին ազգային թիմի հետ կմասնակցի առաջիկ երկու ընկերական խաղերին։ Հյուսիսային Մակեդոնիան կմրցի Մոլդովայի և Չեռնոգորիայի հավաքականների հետ։
31-ամյա Աշկովսկին անցած ամիս է միացել «Ալաշկերտին»։ Նա ներկայացրել է Հյուսիսային Մակեդոնիայի պատանեկան և երիտասարդական հավաքականները, 26 հանդիպման է մասնակցել ազգային թիմում՝ որոնցից երեքում մրցակցել է Հայաստանի հավաքականի հետ։
Ակումբային կարիերայի ընթացքում փորձառու ֆուտբոլիստը հանդես է եկել Բելգրադի «Պարտիզանում», Նիդերլանդների «Ֆորտունայում», Սոֆիայի «Սլավիայում», ռումինական «Բոտոշանիում» և «Սեպսիում», հունական «Լամիայում» և այլ ակումբներում: Ստեֆան Աշկովսկին Սերբիայի չեմպիոն և Ռումինիայի գավաթակիր է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։