Ֆուտբոլի Հայաստանի Պրեմիեր լիգայի առաջնության 23-րդ տուրում առաջատար «Փյունիկն» ընդունեց «Վեստ Արմենիային» եւ տարավ կամային հաղթանակ 2:1 հաշվով։
39-րդ րոպեին հանդիպման հաշիվը բացեց «Վեստ Արմենիայի» նիգերիացի կիսապաշտպան Ջուլիուս Ուֆուոման։
42-րդ րոպեին հավասարությունը վերականգնեց կիսապաշտպան Արտակ Դաշյանը։ Եղիշե Մելիքյանի գլխավորած թիմի հաղթական գոլը 77-րդ րոպեին խփեց կոտդիվուարցի հարձակվող Սերժ Դեբլեն։
Երկրորդ խաղակեսում Արտակ Դաշյանը մրցակցի հետ բախման հետեւանքով ուսի վնավասծք ստացավ եւ փոխարինվեց։ Նրան պատգարակով դուրս բերեցին խաղադաշտից։
«Փյունիկը» 52 միավորով գլխավորում է մրցաշարային աղյուսակը եւ 3 միավոր է առաջ երկրորդ տեղում գտնվող «Նոայից»։ «Վեստ Արմենիան» վերջինն է՝ 18 միավոր։
Հայաստանի առաջնություն, 23-րդ տուր
«Փյունիկ» - «Վեստ Արմենիա»՝ 2:1
Արտակ Դաշյան, 42, Սերժ Դեբլե, 77 - Ջուլիուս Ուֆուոմա, 39
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։