«Ինտերը» պարտության մատնեց «Ատալանտային»՝ 4:0 (տեսանյութ)
01:41 29 փետրվարի, 2024Իտալիայի առաջնության 21-րդ տուրից տեղափոխված խաղում առաջատար «Ինտերն» ընդունեց Բերգամոյի «Ատալանտային»։ Իտալացի Սիմոնե Ինձագիի գլխավորած թիմն առավելության հասավ 4:0 հաշվով։
26-րդ րոպեին Հայաստանի հավաքականի նախկին ավագ, «Ինտերի» կիսապաշտպան Հենրիխ Մխիթարյանը միայնակ դուրս եկավ մրցակցի դարպասապահի դեմ, որը կարողացավ հետ մղել գնդակը, բայց իտալացի պաշտպան Մատեո Դարմիանը բաց չթողեց պահը եւ բացեց հանդիպման հաշիվը։
Առաջին խաղակեսի ավելացված ժամանակում դաշտի տերերի առավելությունը կրկնապատկեց աշխարհի չեմպիոն Արգենտինայի հավաքականի հարձակվող Լաուտարո Մարտինեսը։
Երկրորդ խաղակեսում աչքի ընկան իտալացի պաշտպան Ֆեդերիկո Դիմարկոն ու իտալացի կիսապաշտպան Դավիդե Ֆրատեզին, որը 62-րդ րոպեին փոխարինել էր Հենրիխ Մխիթարյանին։
«Ինտերը» 69 միավորով գլխավորում է մրցաշարային աղյուսակը եւ երկրորդ տեղում գտնվող «Յուվենտուսից» առաջ է 12 միավոր։ «Ատալանտան» 5-րդն է՝ 46 միավոր։
Իտալիայի առաջնություն, 21-րդ տուր
«Ինտեր» - «Ատալանտա»՝ 4:0
Մատեո Դարմիան, 26, Լաուտարո Մարտինես, 45+1, Ֆեդերիկո Դիմարկո, 55, Դավիդե Ֆրատեզի, 71
Չիրացրած 11մ՝ Լաուտարո Մարտինես, 54
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.