Բոսնիացի Տարիկ Իսիչը՝ «Փյունիկի» խաղացող
23:00 19 փետրվարի, 2024«Փյունիկը» պայմանագիր է կնքել 29-ամյա կենտրոնական պաշտպան Տարիկ Իսիչի հետ, հաղորդում է երեւանյան ակումբի կայքը:
Բոսնիացի խաղացողի նախկին ակումբը եղել է ուզբեկական «Սոգդիանան»:
Իսիչը կարիերան սկսել է 2015 թվականին՝ բոսնիական Յաբլանիցայի «Տուրբինայում»: Պաշտպանը կարիերայի մեծ մասը անցկացրել է հայրենիքում` հանդես գալով 8 ակումբներում: Գլխավոր հաջողությունը Իսիչը գրանցել է «Վելեժի» հետ՝ դառնալով Բոսնիա և Հերցեգովինայի գավաթակիր:
Վերոնշյալ ակումբներից բացի, Տարիկը մեկ մրցաշրջան է անցկացրել մալայզիական «Պերակում»: Իսիչը նաև հանդես է եկել ալբանական «Կուկեսիում»:
Իսիչը «Փյունիկին» է միացել ուսումնամարզական հավաքի միջնամասում ու փորձաշրջանի ընթացքում մասնակցել ընկերական խաղերին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.