«Փյունիկը» պարտվեց «Ալեքսանդրիային»

Ֆուտբոլի Հայաստանի Պրեմիեր լիգայի առաջատար Երեւանի «Փյունիկը» Թուրքիայում ավարտին մոտեցող մարզական հավաքի ծրագրով անցկացրեց վերջին ստուգողական հանդիպումը։

Եղիշե Մելիքյանի գլխավորած թիմը մրցեց ուկրաինական «Ալեքսանդրիայի» հետ եւ պարտություն կրեց 2:3 հաշվով։ «Փյունիկից» աչքի ընկան Լուկա Յուրիչիչն ու Արտակ Դաշյանը։

Թուրքիայում անցկացրած նախորդ ընկերական խաղերում «Փյունիկը» 2:1 հաշվով հաղթել էր ղազախական «Շախտյոր Կարագանդային»,  4:2 հաշվով՝ Ղազախստանի չեմպիոն «Օրդաբասիին», 2:0 հաշվով առավելության  հասել բոսնիական «Բորացի» նկատմամբ, 0:2 հաշվով պարտվել էր ուկրաինական «Շախտյոր Դոնեցկին», 0:4 հաշվով՝ «Զարյա Լուգանսկին», 0:2 հաշվով՝ Լատվիայի գավաթակիր «Ռիգային», 1:1 հաշվով ոչ ոքի խաղացել Ուզբեկստանի չեմպիոն «Պախտակորի» հետ։