Ազգերի լիգայի վիճակահանություն․ Հայաստանի հնարավոր մրցակիցները

Ֆրանսիայի մայրաքաղաք Փարիզում փետրվարի 8-ին  Երևանի ժամանակով 21:00-ին կմեկնարկի ՈւԵՖԱ Ազգերի լիգայի վիճակահանությունը։

ՈւԵՖԱ-ի անդամ 54 երկրները բաժանված են 4 լիգաների՝ հաշվի առնելով 2022/23 թվականների արդյունքները:

A, B և C լիգաների վիճակահանության արդյունքում կկազմավորվի չորս թիմից բաղկացած չորս խումբ: Յուրաքանչյուր թիմ իր խմբում կանցկացնի 6 հանդիպում, հաղորդում է ՀՖՖ-ի կայքը:

D լիգայի վիճակահանությամբ կձևավորվի երեք թիմից բաղկացած երկու խումբ: Յուրաքանչյուր թիմ իր խմբում կանցկացնի 4 հանդիպում:

Հայաստանի ազգային հավաքականն ընդգրկված է C լիգայում:

Առաջին զամբյուղ․ Ռումինիա, Շվեդիա, Հայաստան, Լյուքսեմբուրգ

Երկրորդ զամբյուղ․  Ադրբեջան, Կոսովո, Բուլղարիա, Ֆարերյան կղզիներ

Երրորդ զամբյուղ․ Հյուսիսային Մակեդոնիա, Սլովակիա, Հյուսիսային Իռլանդիա, Կիպրոս

Չորրորդ զամբյուղ․ Բելառուս, Լիտվա/Ջիբրալթար, Էստոնիա, Լատվիա։

ՈւԵՖԱ-ի որոշմամբ Հայաստանի և Ադրբեջանի հավաքականները չեն կարող ընդգրկվել նույն խմբում: