Մենք չենք ցանկանում վաճառել Վիլիանին, ասել է Դոնեցկի «Շախտյորի» գլխավոր մարզիչ Միրչա Լուչեսկուն:
«Եթե Մորատին հետաքրքրվի Վիլիանին գնելու հավանականությամբ, ես նրան կասեմ, որ «Շախտյորը» մտադիր է հաջողության հասնել Եվրոպայում եւ չի վաճառի իր ֆուտբոլիստներին: Վիլիանի պայմանագրի մեջ կա կետ, որի համաձայն նրա տրանսֆերի արժեքը կազմում է 35 միլիոն եվրո:
«Չելսին» վճարեց Օսկարի համար 31 միլիոն: Իսկ Վիլիանը, ի տարբերություն Օսկարի, արդեն հասուն ֆուտբոլիստ է եւ Չեմպիոնների լիգայում հանդես գալու փորձ ունի:
«Չելսին» առաջարկում էր Վիլիանի համար 20 միլիոն եվրո, սակայն մենք մերժեցինք այդ առաջարկը: Մենք ինքներս էլ չենք ցանկանում վաճառել Վիլիանին»,- Լուչեսկուի խոսքը մեջբեում է Tuttosport-ը:
Հիշեցնենք, որ բրազիլացու ծառայություններով հետաքրքրված են «Չելսին», «Տոտենհեմը», «Մանչեսթեր Սիթին» եւ «Ինտերը»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։