Աշխարհի առաջին ռակետ Նովակ Ջոկովիչը հաղթանակով մեկնարկեց թենիսի Ավստրալիայի բաց առաջնությունում, որի գործող չեմպիոնն է։ «Մեծ սաղավարտի» մրցաշարերի 24-ակի չեմպիոնն առաջին շրջանում մրցեց աշխարհի 178-րդ ռակետ, 18-ամյա խորվաթ Դինո Պրիժմիչի հետ եւ առավելության հասել չորս սեթում՝ 6:2, 6:7 (5:7), 6:3, 6:4։ Պայքարը տեւեց 4 ժամ եւ 1 րոպե, ինչը Ջոկովիչի կարիերայում ամենաերկարատեւ մրցախաղն է «Մեծ սաղավարտի» մրցաշարերի առաջին շրջանում։
Ավստրալիայի բաց առաջնություններում Ջոկովիչը 90-րդ հաղթանակը տարավ մենախաղի հանդիպումներում։
Ջոկվիչի հաջորդ մրցակիցը կլինի ավստրալացիներ Ալեքսեյ Պոպիրինի եւ Մարկ Փոլմանսի դիմակայության հաղթողը։
Ավստրալիայի բաց առաջնության մրցանակային հիմնադրամը 58,128 միլիոն դոլար է։
90 wins in Melbourne. Not too bad @DjokerNole pic.twitter.com/0Ug7p8k7w4
— #AusOpen (@AustralianOpen) January 14, 2024
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։