Իտալիայի գավաթ․ «Ինտերը» դուրս մնաց պայքարից (տեսանյութ)
02:34 21 դեկտեմբերի, 2023Միլանի «Ինտերը» չկարողացավ պաշտպանել Իտալիայի գավաթակրի տիտղոսը։
Իտալացի Սիմոնե Ինձագիի գլխավորած թիմը 1/8 եզրափակիչում հյուրընկալեց «Բոլոնիային» եւ պարտություն կրեց լրացուցիչ ժամանակում 1:2 հաշվով։
Հիմնական ժամանակն ավարտվեց 0:0 հաշվով։ 65-րդ րոպեին 11-մետրանոցն արդյունավետ իրացնել չկարողացավ աշխարհի չեմպիոն Արգենտինայի հավաքականի հարձակվող Լաուտարո Մարտինեսը։
92-րդ րոպեին «Ինտերի» միակ գոլը խփեց բրազիլացի կիսապաշտպան Կառլոս Աուգուստոն։
Հայաստանի հավաքականի նախկին ավագ, կիսապաշտպան Հենրիխ Մխիթարյանն «Ինտերի» պահեստայինների թվում էր եւ 98-րդ րոպեին փոխարինեց, Լաուտարո Մարտինեսին, որը վնասվածքի պատճառով չկարողացավ շարունակել հանդիպումը։
112-րդ րոպեին հավասարությունը վերականգնեց հոլանդացի պաշտպան Սեմ Բյոկեման։ 116-րդ րոպեին «Բոլոնիայի» հաղթական գոլը խփեց շվեյցարացի կիսապաշտպան Դան Նդոյը։
Իտալիայի գավաթ, 1/8 եզրափակիչ
«Ինտեր» - «Բոլոնիա»՝ 1:2 (հիմնական ժամանակ՝ 0:0, լրացուցիչ ժամանակ՝ 1:2), (տեսանյութ)
Կառլոս Աուգուստո, 92 - Սեմ Բյոկեմա, 112, Դան Նդոյ, 116
Չիրացրած 11մ՝ Լաուտարո Մարտինես («Ինտեր»), 65
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.