Հայաստանի Մ-21 հավաքականը՝ վոլեյբոլի մրցաշարի բրոնզե մեդալակիր
18:40 19 դեկտեմբերի, 2023Երևանում անցկացվել է վոլեյբոլի մրցաշար, որին մասնակցել են Ռուսաստանի, Բելառուսի և Հայաստանի Մ17 և Մ21 հավաքական թիմերը:
Թիմերը մրցել են շրջանաձև համակարգով: Հայաստանի Մ21 հավաքականը զբաղեցրել է երրորդ տեղը, հաղորդում է ԿԳՄՍՆ-ի կայքը։
Մրցաշարի հաղթողի կոչմանն արժանացել է Ռուսաստանի թիմը, որը բոլոր հանդիպումներում հաղթանակներ է տարել: Երկրորդ տեղը զբաղեցրել է Բելառուսի թիմը, որը պարտվել է միայն Ռուսաստանի թիմին։
Թիմերը պարգևատրվել են մեդալներով, գավաթներով, իսկ լավագույն մարզիկները՝ ՀՎՖ հատուկ մրցանակներով։
Կազմակերպիչները հույս են հայտնել, որ մրցաշարը կլինի ամենամյա:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։