Իտալիայի առաջնության 13-րդ տուրում Թուրինի «Յուվենտուսն» ընդունեց գավաթակիր եւ սուպերգավաթակիր Միլանի «Ինտերին»։ Գրանցվեց ոչ ոքի՝ 1:1:
27-րդ րոպեին հանդիպման հաշիվը բացեց «Յուվենտուսի» սերբ հարձակվող Դուշան Վլահովիչը։ Պատասխան գոլը 6 րոպե անց խփեց «Ինտերի» արգենտինացի հարձակվող Լաուտարո Մարտինեսը։
Հայաստանի հավաքականի նախկին ավագ, կիսապաշտպան Հենրիխ Մխիթարյանն «Ինտերի» մեկնարկային կազմում էր եւ անցկացրեց ամբողջ հանդիպումը։
«Ինտերը» 32 միավորով գլխավորում է մրցաշարային աղյուսակը, «Յուվենտուսը» երկրորդն է՝ 30 միավոր։
Իտալիայի առաջնություն, 13-րդ տուր
«Յուվենտուս» - «Ինտեր»՝ 1:1
Դուշան Վլահովիչ, 27 - Լաուտարո Մարտինես, 33
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։