ԱԱ-2026․ Արգենտինան պարտության մատնեց Բրազիլիային (տեսանյութ)
09:10 22 նոյեմբերի, 2023Ֆուտբոլի աշխարհի առաջնության հարավամերիկյան գոտու ընտրական մրցաշարի 6-րդ տուրում աշխարհի չեմպիոն Արգենտինայի հավաքականը հյուրընկալվեց բրազիլացիներին։ Լիոնել Սկալոնիի գլխավորած թիմն առավելության հասավ նվազագույն հաշվով։
Միակ գոլը 63-րդ րոպեին խփեց պորտուգալական «Բենֆիկայի» պաշտպան Նիկոլաս Օտամենդին։
Արգենտինայի թիմի ավագ Լիոնել Մեսին մեկնարկային կազմում էր։ 78-րդ րոպեին նրան փոխարինեց «Բենֆիկայի» հարձակվող Անխել Դի Մարիան։
Արգենտինան 15 միավորով գլխավորում է մրցաշարային աղյուսակը եւ 2 միավոր առաջ է երկրորդ տեղում գտնվող Ուրուգվայից, որն այս տուրում 3:0 հաշվով հաղթեց Բոլիվիային։ Դուբլի հեղինակ դարձավ անգլիական «Լիվերպուլի» հարձակվող Դարվին Նունիեսը։ Գրանցվեց նաեւ մեկ ինքնագոլ։
Բրազիլիան 6-րդն է՝ 7 միավոր։ Կոլումբիայի հավաքականը գերմանական «Վերդերի» հարձակվող Ռաֆայել Բորեի գոլի շնորհիվ 1:0 հաշվով հաղթեց Պարագվային եւ 12 միավորով երրորդն է։
¡La tabla de posiciones de las #EliminatoriasSudamericanas tras finalizar la Fecha 6!
— CONMEBOL.com (@CONMEBOL) November 22, 2023
A classificação das #EliminatóriasSulAmericanas depois de 6 rodadas disputadas! #CreeEnGrande | #AcrediteSempre pic.twitter.com/o6J4rmbJFF
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.