Ջոկովիչը կարիերայում ստացած մրցանակային գումարը հասցրեց 180 միլիոն դոլարի
13:11 20 նոյեմբերի, 2023«Մեծ սաղավարտի» մրցաշարերի 24-ակի չեմպիոն, աշխարհի առաջին ռակետ Նովակ Ջոկովիչը Պրոֆեսիոնալ թենիսիստների ասոցիացիայի տարվա ամփոփիչ առաջնության (ATP Finals) տիտղոսը նվաճելու համար ստացել է 4,4 միլիոն դոլար, հաղորդում է ATP Tour-ը։
Այս տարի սերբ թենիսիստը ստացել է 16 միլիոն դոլար մրցանակային գումար։ Կարիերայի ընթացքում Ջոկովիչի ստացած ընդհանուր մրցանակային գումարը 180,6 միլիոն դոլար է։ Ջոկովիչը ռեկորդակիր է այս ցուցանիշով։
ATP Finals-ի եզրափակիչում Ջոկովիչը 6:3, 6:3 հաշվով պարտության էր մատնել աշխարհի չորրորդ ռակետ, իտալացի Յանիկ Սիները, որը ստացել է 2,6 միլիոն դոլար եզրափակիչ հասնելու համար։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։