ATP Finals. Ջոկովիչը հաղթեց Ալկարասին եւ եզրափակիչում կմրցի Սիների հետ (տեսանյութ)

02:13   19 նոյեմբերի, 2023

Աշխարհի առաջին ռակետ Նովակ Ջոկովիչը դուրս եկավ ATP Finals-ի (Պրոֆեսիոնալ թենիսիստերի ասոցիացիայի տարվա ամփոփիչ առաջնություն) եզրափակիչ։ Սերբ թենիսիստը 6:3, 6:2 հաշվով պարտության մատնեց աշխարհի երկրորդ ռակետ, իսպանացի Կառլոս Ալկարասին։ Մրցախաղը տեւեց 1 ժամ եւ 29 րոպե։

Եզրափակիչում Ջոկովիչի մրցակիցը կլինի աշխարհի չորրորդ ռակետ, իտալացի Յանիկ Սիները, որը կիսաեզրափակիչում 6:3, 6:7 (4:7), 6:1 հաշվով հաղթել էր աշխարհի երրորդ ռակետ, ռուսաստանցի Դանիիլ Մեդվեդեւին։

Եզրափակիչը տեղի կունենա նոյեմբերի 19-ին։

ATP Finals-ի մրցանակային հիմնադրամը 15 միլիոն դոլար է։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։