ATP Finals. Սիները հաղթեց Ռունեին, Ջոկովիչը դուրս եկավ եզրափակիչ
11:03 17 նոյեմբերի, 2023Թուրինում անցկացվող ATP Finals-ի (Պրոֆեսիոնալ թենիսիստների ասոցիացիայի տարվա ամփոփիչ առաջնություն) խմբային փուլի երրորդ տուրում աշխարհի չորրորդ ռակետ, իտալացի Յանիկ Սիները 6:2, 5:7, 6:4 հաշվով պարտության մատնեց աշխարհի 10-րդ ռակետ, դանիացի Հոլգեր Ռունեին։
Սիները երրորդ հաղթանակը տարավ եւ խմբում գրավեց առաջին տեղը։ Նրա հաղթանակի շնորհիվ աշխարհի առաջին ռակետ, սերբ Նովակ Ջոկովիչը գրավեց երկրորդ տեղը եւ նույնպես դուրս եկավ կիսաեզրափակիչ։
Ավելի վաղ կիսաեզրափակիչ էր դուրս եկել նաեւ աշխարհի երրորդ ռակետ, ռուսաստանցի Դանիիլ Մեդվեդեւը։
Կիսաեզրափակիչի վերջին ուղեգրին հավակնում են աշխարհի երկրորդ ռակետ, իսպանացի Կառլոս Ալկարասը եւ աշխարհի 8-րդ ռակետ Գերմանիայի ներկայացուցիչ Ալեքսանդր Զվերեւը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։