ATP Finals. Յանիկ Սիները դուրս եկավ կիսաեզրափակիչ, Նովակ Ջոկովիչը հաղթեց, բայց դեռ չի ապահովել ուղեգիրը
19:43 16 նոյեմբերի, 2023Աշխարհի չորրորդ ռակետ, 22-ամյա իտալացի Յանիկ Սիները դուրս եկավ Իտալիայի Թուրին քաղաքում անցկացվող ATP Finals-ի (Պրոֆեսիոնալ թենիսիստների ասոցիացիայի տարվա ամփոփիչ առաջնություն) կիսաեզրափակիչ։
Խմբային փուլի երրորդ տուրում Սիների հետ նույն խմբում ընդգրկված առաջին ռակետ, սերբ Նովակ Ջոկովիչը 7:6 (7:1), 4:6, 6:1 հաշվով հաղթեց լեհ Հուբերտ Հուրկաչին։ Տանուլ տված մեկ սեթի շնորհիվ էլ Սիները ապահովեց առնվազն երկրորդ տեղն ու կիսաեզրափակիչի ուղեգիրը։
Ջոկովիչը խմբում երկրորդ տեղում է, սակայն երկրորդ ուղեգիրը կախված է Յանիկ Սիների եւ աշխարհի 8-րդ ռակետ, դանիացի Հոլգեր Ռունեի մրցախաղի արդյունքից։
Սիները հաղթել էր հույն Ստեֆանոս Ցիցիպասին եւ Ջոկովիչին։
Կիսաեզրափակիչի ուղեգիր է նվաճել նաեւ աշխարհի երրորդ ռակետ, ռուսաստանցի Դանիիլ Մեդվեդեւը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։