ATP Finals. Ռուբլյովը պարտվեց Ալկարասին եւ զրկվեց փլեյ-օֆֆ դուրս գալու հնարավորությունից
19:21 15 նոյեմբերի, 2023Թուրինում ընթացող ATP Finals-ում (Պրոֆեսիոնալ թենիսիստների ասոցիացիայի տարվա ամփոփիչ առաջնություն) աշխարհի երկրորդ ռակետ, իսպանացի Կառլոս Ալկարասը խմբային փուլի երկրորդ տուրում մրցեց աշխարհի 5-րդ ռակետ, ռուսաստանցի Անդրեյ Ռուբլյովի հետ եւ առավելության հասավ 7:5, 6:2 հաշվով։ Մրցախաղը տեւեց 1 ժամ եւ 15 րոպե։
Անդրեյ Ռուբլյովը զրկվեց փլեյ-օֆֆ դուրս գալու հնարավորությունից։ Առաջին տուրում Ռուբլյովը պարտվել էր աշխարհի երրորդ ռակետ, ռուսաստանցի Դանիիլ Մեդվեդեւին։
Ալկարասն առաջին տուրում պարտվել էր աշխարհի 8-րդ ռակետ, Գերմանիայի ներկայացուցիչ Ալեքսանդր Զվերեւին։
ATP Finals-ի մրցանակային հիմնադրամը 15 միլիոն դոլար է։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։