Ցիցիպասը 5-րդ տարին անընդմեջ նվաճեց տարվա ամփոփիչ մրցաշարի ուղեգիր
20:37 2 նոյեմբերի, 2023Աշխարհի 6-րդ ռակետ, հույն Ստեֆանոս Ցիցիպասը Փարիզի «Մասթերսի» քառորդ եզրափակիչ դուրս գալու շնորհիվ 5-րդ տարին անընդմեջ նվաճեց Պրոֆեսիոնալ թենիսիստների ասոցիացիայի (ATP) տարվա ամփոփիչ մրցաշարին մասնակցելու իրավունք։
Ցիցիպասը Փարիզի «Մասթերսի» 1/8 եզրափակիչում 7:6 (7:2), 6:4 հաշվով պարտության մատնեց աշխարհի 9-րդ ռակետ, Գերմանիայի ներկայացուցիչ Ալեքսանդր Զվերեւին։
Ամփոփիչ մրցաշարի ուղեգիր ավելի վաղ ապահովել էին Նովակ Ջոկովիչը (Սերբիա), Կառլոս Ալկարասը (Իսպանիա), Դանիիլ Մեդվեդեւը (Ռուսաստան), Յանիկ Սիները (Իտալիա) եւ Անդրեյ Ռուբլյովը (Ռուսաստան)։
Նոյեմբերի 12-19-ը Թուրինում անցկացվելիք մրցաշարի վերջին երկու ուղեգրերին հավակնում են դանիացի Հոլգեր Ռունեն, լեհ Հուբերտ Հուրկաչը եւ Ալեքսանդր Զվերեւը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։