Արաս Օզբիլիս. Թուրքիան տարբերակ չէր ինձ համար
13:25 10 նոյեմբերի, 2012Ըտրեցի Հայաստանի հավաքականը, քանի որ ինձ հայ եմ համարում, հայտարարել Կրասնոդարի «Կուբանի» ու Հայաստանի ազգային հավաքականի կիսապաշտպան Արաս Օզբիլիսը:
«Թուրքիան տարբերակ չէր ինձ համար: Ես պետք է ընտրեի Հայաստանի ու Հոլանդիայի հավաքականների միջեւ: Երբ խաղում էի «Այաքսում», ինձ հրավիրեցին Հոլանդիայի երիտասարդական հավաքական, սակայն ես ընտրեցի Հայաստանի ազգային հավաքականը: Այդ որոշումը սրտանց եմ ընդունել: Որոշեցի խաղալ Հայաստանի հավաքականում, քանի որ ինձ հայ եմ համարում: Մենք բարդ խմբում ենք հայտնվել աշխարհի առաջնության ընտրական փուլում, սակայն, միանշանակ, կարող ենք պայքարել ուղեգրի համար»,- նշել է Օզբիլիսը Sportbox-ի հետ հարցազրույցում:
22-ամյա ֆուտբոլիստն անդրադարձել է նաեւ ռուսական Պրեմյեր լիգային ու «Կուբանի» ամբիցիաներին:
«Հոլանդիայում ավելի շատ ուշադրություն են դարձնում տեխնիկական որակների վրա, իսկ Ռուսաստանում շատ կարեւոր է ֆիզիկական պատրաստվածությունը: Ռուսաստանի առաջնությունն օր օրի ավելի ուժեղ է դառնում: «Կուբանը» լուրջ ամբիցիաներ ունի: Այստեղ լավ ֆուտբոլիստներ են խաղում, եւ մենք փորձում ենք բարձր տեղերում լինել մրցաշարային աղյուսակում: Հիմա մենք 4-5 լավագույն թիմերի շարքում ենք: Մի քանի տարուց «Կուբանը» կարող է թոփ ակումբ դառնալ:
ԲԿՄԱ-ն շատ ուժեղ է, «Անժին»՝ նույնպես: Մախաչկալայի թիմը շատ խելացի մարզիչ ունի: Դա նոր ձեւավորված թիմ է, սակայն շատ լավ ֆուտբոլ է ցուցադրում: Կարծում եմ՝ ԲԿՄԱ-ն ու «Անժին» կպայքարեն չեմպիոնության համար: Միգուցե՝ նաեւ «Կուբանը»,- ասել է Օզբիլիսը:
Ռուսաստանի առաջնության մեկնարկային 14 տուրերում Արասը մասնակցել է 10 հանդիպման եւ դարձել է չորս գոլի հեղինակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.