ATP-500․ Մեդվեդեւը եզրափակիչում պարտվեց Սիներին

20:56   29 հոկտեմբերի, 2023

Աշխարհի չորրորդ ռակետ, իտալացի Յանիկ Սիները նվաճեց Ավստրիայի մայրաքաղաք Վիեննայում անցկացված ATP-500 շարքի մրցաշարի հաղթողի կոչումը։

Եզրափակիչում Յանիկ Սիները մրցեց աշխարհի երրորդ ռակետ, ռուսաստանցի Դանիիլ Մեդվեդեւի հետ, որը պարտություն կրեց 6:7 (7:9), 6:4, 3:6 հաշվով։ Պայքարը տեւեց 3 ժամ եւ 4 րոպե։

Յանիկ Սիներն այս մրցաշրջանում նվաճեց չորրորդ տիտղոսը։ Նա այս տարի հաղթել էր նաեւ Մոնպելիեի, Տորոնտոյի եւ Պեկինի մրցաշարերում։ Սիները Պեկինում տիտղոսի համար մրցախաղում դարձյալ հաղթել էր Մեդվեդեւին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։