ATP-500․ Ցիցիպասը դուրս եկավ կիսաեզրափակիչ եւ կմրցի Մեդվեդեւի հետ

Աշխարհի 7-րդ ռակետ Ստեֆանոս Ցիցիպասը դուրս է եկել Ավստրիայի մայրաքաղաք Վիեննայում անցկացվող ATP-500 մրցաշարի եզրափակիչ։ Հույն թենիսիստը մրցել է աշխարհի 77-րդ ռակետ, խորվաթ Բորնա Գոյոյի հետ եւ առավելության է հասել 7:6 (7:4), 7:5 հաշվով։ Մրցախաղը տեւել է 1 ժամ եւ 51 րոպե։

Կիսաեզրափակիչում Ցիցիպասի մրցակիցը կլինի աշխարհի երրորդ ռակետ, ռուսաստանցի Դանիիլ Մեդվեդեւը, որը քառորդ եզրափակիչում պայքարից դուրս էր թողել ռուսաստանցի Կարեն Խաչանովին։

Կիսաեզրափակիչի մյուս զույգը կազմել են աշխարհի 5-րդ ռակետ, ռուսաստանցի Անդրեյ Ռուբլյովն ու աշխարհի չորրորդ ռակետ, իտալացի Յանիկ Սիները։

Վիեննայի մրցաշարի մրցանակային հիմնադրամը 2,4 միլիոն եվրո է։