«Ինտերը» պարտության մատնեց «Տորինոյին» (տեսանյութ)
21:56 21 հոկտեմբերի, 2023Իտալիայի առաջնության 9-րդ տուրում Միլանի «Ինտերը» Թուրինում հյուրընկալվեց «Տորինոյին»։ Իտալացի Սիմոնե Ինձագիի գլխավորած թիմն առավելության հասավ 3:0 հաշվով։
59-րդ րոպեին հանդիպման հաշիվը բացեց ֆրանսիացի հարձակվող Մարկուս Տյուրամը։ 67-րդ րոպեին հյուրերի առավելությունը կրկնապատկեց աշխարհի չեմպիոն Արգենտինայի հավաքականի հարձակվող Լաուտարո Մարտինեսը։ Ավելացված ժամանակում 11-մետրանոցն արդյունավետ իրացրեց թուրք կիսապաշտպան Հական Չալհանօղլուն։
Հայաստանի հավաքականի նախկին ավագ, կիսապաշտպան Հենրիխ Մխիթարյանն «Ինտերի» մեկնարկային կազմում էր եւ անցկացրեց ամբողջ հանդիպումը։
«Ինտերը» 22 միավորով առաջինն է, «Տորինոն» 14-րդ տեղում է՝ 9 միավոր։
Իտալիայի առաջնություն, 9-րդ տուր
«Տորինո» - «Ինտեր»՝ 0:3 (տեսանյութ)
Մարկուս Տյուրամ, 59, Լաուտարո Մարտինես, 67, Հական Չալհանօղլու, 90+4, 11մ
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.