«Մասթերս»․ Ալկարասը դուրս եկավ 1/8 եզրափակիչ

20:08   9 հոկտեմբերի, 2023

Աշխարհի երկրորդ ռակետ Կառլոս Ալկարասը դուրս եկավ Չինաստանի Շանհայ քաղաքում անցկացվող «Մասթերս» մրցաշարի 1/8 եզրափակիչ։ Իսպանացի թենիսիստը մրցեց աշխարհի 33-րդ ռակետ, բրիտանացի Դենիել Էվանսի հետ եւ առավելության հասավ 7:6 (7:1), 6:4 հաշվով։ Պայքարը տեւեց 2 ժամ եւ 25 րոպե։

Ալկարասի հաջորդ մրցակիցը կլինի աշխարհի 19-րդ ռակետ, բուլղարացի Գրիգոր Դիմիտրովը, որը պարտության էր մատնել աշխարհի 13-րդ ռակետ, ռուսաստանցի Կարեն Խաչանովին։

Շանհայի «Մասթերսի» մրցանակային հիմնադրամը 8,8 միլիոն եվրո է։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։