«Բանանցը» բողոքարկեց, մրցավարը որակազրկվեց
13:49 9 նոյեմբերի, 2012Հայաստանի ֆուտբոլի ֆեդերացիայի (ՀՖՖ) մրցավարական կոմիտեն որոշում է կայացրել զրկել մրցավար Գեւորգ Եղոյանին Բարձրագույն խմբի առաջնության առաջիկա հինգ տուրերում խաղեր սպասարկելու հնարավորությունից:
Հայաստանի առաջնության շրջանակում կայացած «Բանանց» - «Ուլիս» հանդիպման ընթացքում Գեւորգ Եղոյանը երկու անգամ սխալվել էր՝ չնշանակելով 11 մետրանոց հարված «Ուլիսի» դարպասին: Մրցավարի որոշումները ազդել էին խաղի ելքի վրա, եւ «Բանանցը» բողոք էր ներկայացրել ՀՖՖ:
ՀՖՖ մրցավարական կոմիտեն, քննարկելով «Բանանցի» բողոքն ու ուսումնասիրելով խաղային դրվագները, մրցավարի երկու որոշումներից մեկը համարել է ճիշտ, իսկ մյուսը՝ սխալ: Որոշվել է, որ մրցավարը չի նշանակել ակնհայտ 11 մետրանոց հարվածը, երբ հանդիպման վերջին վայկյաններին Սարգիս Կարապետյանի հարվածից հետո «Ուլիսի» պաշտպանը ձեռքով գնդակը շեղել է անկյունային: Գեւորգ Եղոյանը որակազրկվել է Բարձրագույն խմբի հինգ խաղով:
«Բանանցի» մամուլի քարտուղարություն
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.