Նովակ Ջոկովիչը կրկնեց Մարգարետ Կորթի ռեկորդը․ 24 տիտղոս «Մեծ սաղավարտի» մրցաշարերում
09:56 11 սեպտեմբերի, 2023Աշխարհի երկրորդ ռակետ Նովակ Ջոկովիչը Նյու Յորքում ավարտված ԱՄՆ-ի բաց առաջնության եզրափակիչում աշխարհի երրորդ ռակետ, ռուսաստանցի Դանիիլ Մեդվեդեւին 6:3, 7:6 (7:5), 6:3 հաշվով հաղթելու շնորհիվ նվաճեց 24-րդ տիտղոսը «Մեծ սաղավարտի» մրցաշարերում՝ կրկնելով ավստրալացի թենիսիստուհի Մարգարետ Կորթի ռեկորդը։
Ջոկովիչը կստանա 2000 վարկանիշային միավոր եւ 3 միլիոն դոլար։
Նա դարձյալ կզբաղեցնի առաջին տեղը համաշխարհային դասակարգման աղյուսակում՝ շրջանցելով իսպանացի Կառլոս Ալկարասին։
36-ամյա Ջոկովիչը դարձավ US Open-ի ավագագույն չեմպիոնը։ Նախորդ ռեկորդակիրը Քեն Ռոզուոլն էր, որը 1970 թվականին US Open-ում հաղթել էր 35 տարեկանում։
Ջոկովիչը չորրորդ անգամ նվաճեց ԱՄՆ-ի բաց առաջնության տիտղոս՝ կրկնելով 2011, 2015, 2018 թվականների հաջողությունը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։