US Open. Բեն Շելթոնը եւ Կարոլինա Մուխովան կիսաեզրափակիչում են
10:28 6 սեպտեմբերի, 2023Նյու Յորքում անցկացվող թենիսի ԱՄՆ-ի բաց առաջնությունում ամերիկացի Բեն Շելթոնը դուրս եկավ կիսաեզրափակիչում։ Աշխարհի 47-րդ ռակետը մրցեց աշխարհի 10-րդ ռակետ, ամերիկացի Ֆրենսիս Տիաֆոյի հետ եւ առավելության հասավ 6:2, 3:6, 7:6 (9:7), 6:2 հաշվով։ Պայքարը տեւեց 3 ժամ եւ 7 րոպե։
Կիսաեզրափակիչում Բեն Շելթոնի մրցակիցըկ աշխարհի երկրորդ ռակետ, սերբ Նովակ Ջոկովիչը։
Կանանց մենախաղում կիսաեզրափակիչ դուրս եկավ աշխարհի 10-րդ ռակետ, չեխ Կարոլինա Մուխովան, որը 1 ժամ եւ 38 րոպեում պարտության մատնեց աշխարհի 30-րդ ռակետ, ռումինացի Սորանա Կիրստյային՝ 6:0, 6:3։
Եզրափակիչի ուղեգրի համար Մուխովան կմրցի աշխարհի 6-րդ ռակետ, ամերիկացի Կորի Գաուֆի հետ։
US Open-ի մրցանակային հիմնադրամը 65 միլիոն դոլար է։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։